21882940770231984

اساسيات تسليح سقف solid slab

الخط

solid slab

اساسيات تسليح البلاطة المصمتة solid slab

1-رقة (شبكة) حديد سفلية فقط طالما السمك لايتعدى 16 سم (حسب الكود المصرى)
2-التسليح الشائع فى مصر 6 او 7 فاى 10 فى المتر
3- اماكن وقف الحديد عند Zero moment بمعنى
غير مسموح بتاتا بوقف السيخ فى منتصف الباكية(بين عمودين)
4-طبعا الكوابيل عبارة عن شوك - كما بالصورة_


 ملحوظة
اماكن التوقف لاتكون فى صف واحد وانما تبادلية مع دخول السيخ ربع اكبر البحرين
تفريد حديد التسليح لجسر مكون من:بحر واحد + بروز (كابولي)
⦁ فى حالة البلاطة المرتكزه على كمرتين فقط او الكابولى تكون البلاطه ذات الاتجاه الواحد
⦁ السمك الادنى للبلاطه يحسب من المعادلات ونشيك عليه او من الجداول ولا نشيك عليه وذالك لأن الجداول تعطى سماكه كبيره والجميع يستخدم المعادلات سواء الاتجاه الواحد أو الاتجاهين
⦁ سمك البلاطه لا يقل عن 12 سم ( المفضل ) لكنها ممكن تبقى 10 سم
⦁ الكفر فى البلاطه بيكون من ( 1.5 – 2 سم )
⦁ أقصى مسافة بين أسياخ الحديد هى 20 سم
⦁ اذا زادت سماكة البلاطه عن 16 سم نعمل شبكة علويه الهدف منها مقاومة الانكماش
⦁ عمق الكمره كبير مقارنه بالبلاطه لذالك يكون هناك فرق كبير فى الجساءه وبالتالى 30 % من حمل البلاطه يتحول ليعمل تورشن على الكمره وداه يظهر فى قيم الفا وبيتا
⦁ اتجاه الفرش فى البلاطه : عامة الفرش يكون فى اتجاه العزم الأكبر واحنا فى السوليد بنفرش فى الاتجاه القصير غالبا لان الحمل الكبير بيمشى فى الاتجاه القصير وبالتالى هيكون صاحب العزم الأكبر
⦁ العمق الفعال ( d ) : وهو ارتفاع الكانه يعنى ارتفاع العنصر الخرسانى مطروح منه قيمة الكفر ويجب ان يكون العمق الفعال فى اتجاه العزم الأكبر عشان نوفر فى الحديد حسب العلاقه
( as = mu / fy j d )
⦁ يبقى خلاصة القول انى بأفرش فى اتجاه العزم الكبير عشان أزود العمق الفعال وبالتالى اقلل الحديد
التسليح فى البلاطه
بيكون التسليح بطريقتين الاولى التكسيح ( التكريب – التخديع ) الثانيه الطريقة الامريكيه
التسليح بالتكسيح ( التكريب )
⦁ التكسيح فى البلاطات بيكون بنفس نسب الكمرات
⦁ فى حالة البلاطات بيكون سيخ مكسح وسيخ عدل على الركيزه ( النصف والنصف )
⦁ فى حالة التكسيح بيعطى فى اللوحه خطين ( الفرش ) وخط واحد ( الغطاء )
⦁ فى حالة الطريقة الامريكيه بأعرف الفرش والغطا عن طريق الجنش لو الجنش لفوق بيكون الفرش لو الجنش لتحت بيكون داه الغطا وبيعطى كابات للاضافى
⦁ خلى بالك قوى قوى النظر للوحه بيكون من تحت اقصى اليمين عشان تشوف الارقام مظبوطه
⦁ لو اللوحه كبيره ماترميش عينك عليها كلها خدها من تحت واحده واحده هتفهم كل تفاصيلها
⦁ التسليح بيكون سيخ عدل من الركيزه الى الركيزه والسيخ اللى بعده مكسح وبيمد ربع البحر وتكون الباكيه اللى بعدها عكسها فى رص الحديد عشان احقق نسبة الحديد العلوى لمقاومة العزم السالب
خطوات تنفيذ التسليح
⦁ يجى الحداد على الباكيه ويجنطها كلها واول سيخ بيكون على مسافة نصف التقسيط
⦁ يحط أول سيخ عدل ويكون على مسافة نصف التقسيط من الركيزه الى الركيزه ويسيب مكان للسيخ المكرب ويضع سيخ عدل يعنى يرص الحديد العدل بتاع الفرش فى الباكيه
⦁ الخطوه التانيه الحداد يقيس مسافة التكريب ويحط علامه ويحط فى المسافه دى الحديد الثانوى ( الغطا ) قبل فرش المكسح عشان يقدر يكرب الحديد
⦁ الخطوه التالته انه يبدأ يفرش الحديد المكسح فى مكانه ويرمى لربع البحر المجاور
⦁ الخطوه الرابعه يكمل باقى حديد الغطا عادى للباكيه
اللى استفدناه من الطريقه دى ان الجزء اللى هيبقا فيه تكريب الفرش اصبح فوق الغطا وداه هيسهل على الحداد عملية التكريب وهو بيكرب بالملاوينه بسرعه والزاويه مش شرط تكون مظبوطه لان الشير بيكون مسيف فانت عايز تقاوم العزم السالب فقط
⦁ يجى الحداد فى الباكيه اللى جنبها ويعكس التسليح يعنى يبدأ اول سيخ مكسح فالبتالى هيسيب اول تقسيط فاضى ويبدأ يرص العدل من تانى تقسيط عشان المكسح يبقى مغطى الكمره كلها فيقاوم العزم السالب
ملاحظات على تسليح البلاطه
⦁ الخطأ المشهور انه بيخلى الكمره ارتفاع الكانه فيها مساوى لالواح التطبيق وبالتالى الكمره بتتغير عن التصميم وبتزود الكفر وداه خطأ لازم الكانه تبقا تحت الكفر
⦁ لو الكمره عندنا 60 سم نحسب الكانه ازاى ؟؟؟؟ هنخصم الكفر 5 سم وكمان ا سم حديد التسليح المكسح بيكون فوق الكانه يبقا الكانه ارتفاعها 60 – 6 = 56 سم
⦁ الحديد لازم يكرب على المسافات اللى قال عليها الكود لانه فيه حدادين يقولولك البلاطه 10 سم ومش لازم نكرب والكلام داه غلط كبير لانك كدا ما قاومتش العزم السالب وبالتالى العزم هيغير وضعه من بلاطه متصله الى بلاطه سيمبل وطبعا العزم هيزيد وممكن البلاطه تشرخ
⦁ الخطأ الشهير الثانى وهى البلاطه الطرفيه تلاقى الحداد ماكربش ومد الحديد لنهاية الكمره وخلاص وداه خطأ كبير لازم يكرب والاهم ان الحديد ينزل فى الكمره بطول رباط عشان ( wl2/24 )
تسليح الكوابيل
⦁ العزم على الكوابيل بيكون علوى كله لذالك الحديد الرئيسى فى الكوابيل بيكون علوى والحديد السفلى بيكون ثانوى
⦁ الهدف من الحديد الثانوى 1- تعليق الكانات .... 2- بيشتغل معانا كحديد ضغط فبيقلل الدفليكشن
⦁ الدفلكشن : قصير الامد يحدث بعد فك الشده مباشرة تحت تأثير وزن العنصر الخرسانى اما طويل الامد يحدث مع مرور الوقت بسبب الزحف والانكماش ويكون تأثيره اكبر
⦁ الدفلكشن الطويل الامد علاقة فى الحديد الرئيسى والثانوى فلو استخدمنا الشوكه نقلل الهبوط طويل الامد
⦁ الطريقة الثانيه ان يقسم التسليح فوق رئيسى وتحت ثانوى ولو استخدمت هذه الطريقة لابد ان يكون النزول بطول رباط
⦁ الحديد الثانوى يوضع داخل الكابولى عشان نحافظ على العمق الفعال للكابولى لو الحداد قالك النجار اقفل الجنب مش هاعرف امد الثانوى قوله لم الشوك فى الكورنر وبعدين مد الثانوى
⦁ يتم وضع كراسى اسفل حديد الشوك عشان يحافظ عليه مرتفع
طرق تسليح الكابولى
⦁ انى امد الحديد المكسح بتاع البلاطه ( النصف ) الى اخر الكابولى او 60 Ø كلاهما صح وبعد كدا ارص حديد الكوابيل المذكور فى اللوح
⦁ انى استخدم الحديد المكسح كشوك يعنى يمد السيخ ويلف الشوكه منه وتعتبر من عدد الشوك الاصلى المذكور فى اللوحه ويكمل عدد الشوك عادى ولكن الطريقة الاولى افضل
الخطأ القاتل فى الكوابيل
معظم البلكونات فى مصر تلاقيها مشرخه
السبب فى كدا ان المصمم بيبقى عامل حساباته على اساس ان الكفر 2 سم فوق الكوابيل اى ان الكمره اللى شايله الكابولى بتكون كرسى له لكن اللى بيتنفذ فى الموقع بتكون الكمره فى منسوب الواح التطبيق اى ان الكفر يصبح فى حدود 5 سم فيحدث شروخ
الحل انك تحسب ارتفاع الكانات مظبوط ويتحط تحتها البسكوت عشان تحافظ على الكفر
التسليح بالطريقة الامريكيه
⦁ تعتبر هذه الطريقة افضل من حيث توفير الوقت وتوفير الحديد
⦁ فى الفرش لمقاومة العزم الموجب انا بافرش الحديد بطول 12 متر بس نخلى بالنا من الوصلات انا باوصل عند الركائز حيث يوجد العزم السالب
⦁ هنركب كابات فوق الكمرات بطول ربع البحر فهنجمع فيها فضلات الموقع
الاحجبه
لما تزيد الباكيه عن 5 * 5 نستخدم حديد اضافى فى الكورنر ويسمى احجبه وبيكون حديد علوى يوضع فوق الشبكة على كراسى



 تحميل ملف pdf شرح كيفية تكريب الحديد ( للمهندس / حسن قنديل )

  رابط التحميل : اضغط هنا 
ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة