21882940770231984

شرح تصميم وتنفيذ البلاطات الهوردى (Hollow block slabs)

الخط
Hollow block slabs

البلاطات الهوردي (Hollow block slabs )
===============================
فى نهاية المقال:  
1- تحميل ملف pdf شرح تصميم  Hollow block slabs كامل (ياسر الليثى )
2- تحميل ملف pdf الخلاصة فى تصميم اسقف Hollow block slabs ( مذكرة من 10 ورقات ) 
-------------------------------------------------------
شرح مبسط لطريقة تنفيذ تلك الاسقف ومميزاتها وعيوبها : 
----------------------------------------------------------
- البلاطات المجوفه او الهوردي (Hollow block slabs )
اسقف عباره عن بلاطه سمكها صغير من 5 ال7 سم ترتكز علي اعصاب عرضها 10
سم وعمقها حسب عمق البلوك المستخدم وترتكز الاعصاب علي كمرات اما مدفونه او
ساقطه
تغطي بحور كبيره نسبيا تصل ال 7 متر
السقف يعتبر خفيف مما يؤدي للتوفير في الاساسات
عازل جيد للصوت والحراره ضعيف جدا بالنسبه للامطار والاحمال اليناميكيه
نظام البلاطات المفرغة (Hollow block slabs )
--------------------------------------------------
- من مميزات هذا النظام⦁ نستخدم فيها كمية خرسانه قليله وتوفر ايضا الحديد
⦁ فيها مرونه معماريه بسبب عدم استخدام الكمر الساقط
⦁ سهولة عمل الشده الخشبيه
⦁ هناك مرونه نسبيه فى عمل الحوائط حيث يمكن وضع الحوائط فى اى مكان فى
البلاطه ذات الاتجاهين اما البلاطه ذات الاتجاه الواحد توضع فوق الاعصاب ويمنع
وضعها فوق البلوك
⦁ مقاومه للحريق لأن الحريق يوزع على مسطح كبير
⦁ تقلل من تأثير الصوت والحراره
- ومن اهم العيوب
--------------------
⦁ مرونه نسبيه فى الحوائط وليست كليه بسبب البلوك
⦁ ضعيفه فى مقاومة الرطوبه
⦁ لا تتحمل الاحمال الحيه العاليه مثل الفلات
⦁ صعب الصيانه والترميم
⦁ يحدث شروخ عند اتصال البلاطات المفرغة مع البلاطات الرقيقة
- فكرة البلاطه الهوردى
---------------------------
فى حالة الابعاد الكبيره للبلاطه نحتاج الى زيادة سمك البلاطه وبالتالى الحمل الميت هيزيد
والتسليح هيزيد وهيكون غير اقتصادى طيب ايه الحل ؟؟؟؟ .... الحل يكمن فى ان
الخرسانه اسفل خط التعادل ( N.AXIS ) لا تعمل لانها منطقة شد فاحنا بنستغنى عن
الخرسانه فى هذا المكان ونستبدله بالبلوكات وبالتالى الحمل يقل وايضا التسليح يقل وهى
تستخدم عندما يزداد البحر عن7متر
- الكمره المدفونه
---------------------
⦁ هى كمره تكون مدفونه داخل البلاطه بنفس سمك البلاطه او تزيد 5 سم تقريبا وتكون
لاعلى عشان نداريها فى التشطيبات
⦁ عشان عنصر خرسانى يتحمل على عنصر خرسانى تانى لازم العنصر اللى هيشيل
يكون اكثر جساءه من العنصر المتشال حسب العلاقه التاليه ( bt3/12 ) لو طبقنا الكلام
داه على العصب والكمر المدفون والساقط نجد ان جساءة الكمر الساقط هى الاكبر يليها
الكمر المدفون يليها العصب لذالك نجد ان العصب هو اللى بيتشال على الكمر المدفون
⦁ الكمر المدفون مفضل معماريا ولكن الكمر الساقط مفضل انشائيا بسبب قوة الجساءه
⦁ كمية الحديد التى توضع فيها كبيره لذالك يحرص المصمم على ان تكون جميعها
مستمره لتقليل العزم
- انواع البلاطات الهوردى
--------------------------
⦁ هناك نوعان من البلاطه الهوردى البلاطه ذات الاتجاه الواحد والبلاطه ذات الاتجاهين
⦁ هناك ميزه كبيره فى البلاطه الهوردى وهى القدره على التحكم فى اتجاه سير الحمل
عن طريق اتجاه الاعصاب حيث ان الاعصاب هى التى تنقل حمل البلاطه الى الكمر
المدفون
⦁ الجميع يفضل البلاطه ذات الاتجاه الواحد لانها سهله فى التنفيذ
⦁ عشان استخدم باكيه ذات اتجاهين لازم يكون الطول الكبير على الطول الصغير اقل
من 2
- طرق رص البلوكات
-----------------------
⦁ فى حالة وجود كابولى لازم اتجاه الباكيه المجاوره يكون فى نفس اتجاه الكابولى عشان
حديد الشوك يمتد فى الاعصاب ولو عكسنا لابد من وجود كمره مدفونه تشيل العصب
⦁ يفضل ان تكون الاعصاب فى الاتجاه القصير للباكيه عشان نوفر حديد ونقلل
الدفليكشن
⦁ فى حالة وجود فتحه فى السقف يبقا نحط جنبها كمره مدفونه عشان نحمل الاعصاب
عليها
⦁ الطول ال 40 للبلوكه يكون عمودى على الاعصاب
⦁ نستخدم البلوكات الاسمنتيه او الطفليه الحمراء او الفوم وتكون الابعاد 20 * 40 ثابته
فى البلوكه والارتفاع هو اللى بيختلف من تصميم الى اخر
العصب العرضى
----------------
العصب العرضى يستخدم فى حالة طول ابعاد الاعصاب ويستخدم لتقليل العزم والدفليكشن
وبالتالى يقلل حديد كما انه يقاوم الانبعاج فى الاعصاب ويربط الاعصاب مع بعضها
البعض
- الجزء المصمت ( solid part )
--------------------------------------
نستخدم جزء مصمت من الخرسانه بجانب الكمر الساقط فقط وذالك لان الكمر الساقط يتولد
عليه قوى قص فلو وضعنا البلوك مباشره بجانب الكمره لا يتحمل قوى القص لذالك نضعها
لمقاومة القص
- التنفيذ
----------
⦁ الخطوه الاولى نرص حديد الكمرات المدفونه
⦁ بعد عمل الكمرات المدفونه تتضح لنا معالم الباكيات ويسهل رص البلوك
⦁ الكمرات التى يساوى عرضها 40 سم او يزيد عرضها عن ارتفاعها يجب وضع
كانات ذات اربع فروع بحيث المسافه بين الفرع والفرع لا تزيد عن 25 سم
⦁ اللى شايل القص فى الكمرات المدفونه هى الخرسانه لذالك لا حاجه الى التكسيح
⦁ قفل الكانه لازم يكون تبادلى لانه يعتبر وصله وبالتالى نقطة ضعف لذالك نعمله
تبادلى عشان نزود المسافه بين نقاط الوصل ( الضعف ) نظريا المفروض يكون قفل الكانه
فى اماكن الضغط وليس الشد ولكن هذا صعب تنفيذه فى الموقع ممكن الاستشارى يطلبه
⦁ الخطوه الثانيه رص البلوكات
⦁ لازم نستخدم مسطره ممكن تكون الواح لتزانه بعرض العصب ونرص عليه البلوكات
عشان خط البلوك يكون فى خط مستقيم ونحافظ على استمراريه الاعصاب فى الباكيات
المتجاوره
⦁ الكمر المدفون لا يوجد بجانبه جزء مصمت من الخرسانه نرص البلوك ملاصق له
⦁ الكمر الساقط يكون بجواره جزء مصمت من الخرسانه لمقاومة القص
⦁ اخر بلوكه واول بلوكه فى الصف لازم تكون مغلقه عشان الخرسانه ما تدخلش جواها
وبالتالى الوزن هيزيد وهنهدر فى الخرسانه
الاعصاب
⦁ فيها غلطه شهيره وهى ان معظم المواقع بتخلى ارتفاع حديدها بمساواة البلوك وحديد
البلاطه بيتحمل عليها مع ان الكود له راى اخر لانها بهذه الطريقه تقلل العمق الفعال
للعصب يبقا الصح اننا نحافظ فى العصب على كفر تحت بوضع البسكوت ونسيب كفر
فوق 2.5 سم وندكك حديد البلاطه داخله
⦁ من التفصيله نجد انه فيه كفر فوق البلوك يعنى هنحتاج نرفع الحديد مسافة الكفر
الكانه مغلقه ولا مفتوحه للعصب
⦁ الكانه المغلقه هى الافضل لانها تقاوم معانا لو فيه تورشن على القطاع
⦁ لو المنطقه زلزاليه المغلقه الافضل
⦁ لو العصب هيتحمل بحائط المغلقه الافضل
⦁ لو العصب مستمر هيكون فيه حديد علوى هيقاوم العزم السالب فهنعلقه فيها
تسليح البلاطه
تسليحها بيكون تقريبا 8Ø 5 فى الفرش و 4 8Ø فى الغطا بنحط واحده على البلوك
وواحده على العصب لانها بتقاوم معانا فى الدفليكشن
حساب عدد البلوكات
=============
⦁ بالخبره عدد البلوكات = مساحة السقف * 7 ... او حجم البلوكات = 1/3 حجم السقف
---------------------------------------------------------------------------------
ونجيب حجم البلوكه الواحده ونقسم الحجم الكلى علي حجم الواحده نجيب العدد
---------------------------------------------------------------------------------
⦁ بالحسابات نجيب كل باكيه ونحسب العدد اللى فيها ونجمع بكل سهوله
العصب العرضى
بيكون متشال على الاعصاب انا باستفيد من قطاعه الخرسانى
فى حالة استخدام الفوم
استخدم شبك اللياسه عشان وانا باشطب السقف المحاره تمسك فيه



تحميل ملف pdf تصميم Hollow block : رابط التحميل 

تحميل( 10 ورقات) ملف pdf  الخلاصة فى تصميم Hollow block : رابط التحميل 

ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة