دلیل الافراد و الشركات نحو الـBIM

دلیل الافراد و الشركات نحو الـBIM

ناس كتير بتسأل إيه هو الـ BIM ؟ وإيه هو وجه الربط بينه وبين برنامج الريفيت؟ وهل هو برنامج أصلا؟ وإزاي أقدر أستفاد بيه في سوق العمل حاليا؟ وإيه هي المشاريع اللي اتعملت بيه ونسبة نجاح تطبيقه في المشاريع دي؟
بادئ ذي بدء أحب أوضح بس اختصار BIM بيعبر عن ايه...
كلمة BIM هي اختصار لـ Building Information Modeling أي نمذجة معلومات البناء، بمعنى آخر هي تكنولوجيا (وليس برنامج) بتعتمد على عمل نموذج لكل معلومة تخص المبنى بتاعك أيا كان ماهيته (مبنى سكني، مستشفى، مدرسة، برج، شارع، مصنع ... إلخ)
بمعنى تاني برضه، إنك بتعمل نموذج وتمثيل مرئي للمعلومة وكأنك بتشوف ماكيت ثلاثي الأبعاد مش لوحة أوتوكاد بس، وفي نفس الوقت كل عنصر بيتمثل بالطريقة دي بيكون غني جدا بكل المعلومات اللي بيحتاجها كل الأفراد القائمين على تنفيذ العنصر ده في الحقيقة (مهندس معماري، مدني، ميكانيكي، كهربي، مقاول البناء ...)

والـ BIM كنظرية موجود من 1970م بس وقتها كانت الأجهزة ضعيفة في تمثيل خصائص المبنى في نموذج رقمي، وأول تطبيق فعلي ليه كان ببرنامج أركيكاد لشركة Graphisoft في بداية 1987م.
ودلوقتي نقدر نقول إن الـ BIM مجرد تقنية أو عملية تتضمن كل الرسومات المعمارية والانشائية والتنفيذية ومراحل التصنيع وصولا لتسليمها لمالكي المشروع، يعني مش مجرد بتطلع لوحات 2D ولا بس بتقدر تطلع منه منظور 3D، ده كمان بياخد عامل الزمن معاه 4D وبيشمل كمان عامل التكلفة 5D مش بس تكلفة عنصر (زي الباب مثلا) وأجرة العامل وثمن المسامير ومقاول الباطن كمان، والـ BIM بيوفرلك أقصى استفادة في موضوع الـ Safety وفي إدارة المشروعات ...
طبعا لو فاهم مبادئ الـ BIM هتقدر بكل سهولة تعمل نموذج دقيق وغني بالمعلومات للمبنى بتاعك، وتوفر الوقت وتحل المشاكل قبل ما تحصل لمجرد إنه بيتيح لك التكامل والتنسيق بين كل المهندسين القائمين على المشروع وكمان تقدر من خلاله تربط بين التصميم والتنفيذ (وبالتالي توفر تكلفة ووقت) ...
ده غير إن بيئة العمل في الـ BIM بيكون سهل عليك تعمل أي تعديل أو تحديث لأي عنصر أنت رسمته...
ده غير بقى تحسين عملية الإخراج النهائي Visualization ومحاكاة الواقع Simulation و التكامل Coordination بين المناظر والقطاعات والجداول المختلفة في المشروع الواحد، وكمان الحصر الدقيق لجميع أجزاء المشروع خصوصا في بداياته ...
وبعد كل ده نقدر نقول دلوقتي إن الريفيت ما هو إلا برنامج تابع لتقنية الـ BIM زي برامج تانية كتير بتطبق التكنولوجيا دي (AutoCAD Structural Detailing, Robot, 3Ds MAX, Naviswork, …)

بالنسبة بقى للمشاريع اللي طبقت التكنولوجيا دي ونجحت جداااااااااااا
Building London Live 2012
Build Qatar Live 2012
D.C. Riverside Office Building
Elliott Heights
Arboleda Open BIM project
ولو عايز تعرف معلومات أكتر فيه كتب كتير بتتكلم عن التكنولوجيا دي زي مثلا:
BIM Handbook: A Guide to Building Information Modeling for Owners, Managers, Designers, Engineers, and Contractors

تحميل اكبر كتاب مكون من 105 ورقة فى شرح ال BIM من البداية الى النهاية 
رابط التحميل : اضغط هنا

google-playkhamsatmostaqltradent